Орталық аурухана ұжымымен кездесу өтті

Облыстық ақпараттық-түсіндіру тобының жоспарына сәйкес, Құрманғазы ауылдық округіндегі орталық аурухана ұжымымен кездесу өтті.

Жиынға облыстық Дін істері басқармасы Ақпараттық-талдау орталығының маманы Қ.Досқалиев пен Б.Жандыбаев, «Шапағат» деструктивтік діни ағымдардан жапа шеккендерге көмек орталығы» қоғамдық қорының теологы Е.Бегалиев қатысты.

Орталық мамандары кездесудің маңыздылығы мен қазіргі таңдағы аудан бойынша діни проблемалық мәселелерге тоқталып, деструктивті діни ағымдардың зияны туралы ақпарат беріп өтті.

Теолог Е.Бегалиев өз кезегінде дәстүрлі діни бағыт пен деструктивті діни ағымның айырмашылығын атап, тарихи тұрғыда дәлел-дәйекке сүйене отырып, жиынға қатысушыларға түсінік берді.

Кездесу соңында қатысушыларға ақпараттық-танымдық материалдар таратылды.