Индер ауданында діни экстремизмге қарсы флешмоб акциясы өтті
Атырау облысы Дін істері басқармасы Ақпараттық-талдау орталығының ұйымдастыруымен Индер ауданы Есбол ауылы Ж.Жабаев атындағы орта мектептің 5-11 сынып оқушыларының қатысуымен флешмоб акциясы өтті.
Облыс тұрғындарының діни сауаттылығын арттыру, экстремизмнің алдын-алу, дәстүрлі діни құндылықтарды насихаттау мақсатындағы шараны Ақпараттық-талдау орталығының маманы Д.Байбақты жүргізіп, акцияның маңыздылығына тоқталды. Сондай-ақ, жастарды дәстүрлі емес діни ағымдардан аулақ болуға шақырды.
Шара одан әрі флешмоб биімен жалғасты. Акция соңында флешмобқа қатысушы жастарға ұйымдастырушылар тарапынан алғыс айтылып, бейбіт елдің жастарын еліміздің дамуына өз үлестерін қосуға шақырды.
Шара 70-ке жуық оқушыны қамтыды.
Автор публикации
