Қазақстан терроризм қаупі ең төмен елдердің қатарында — Жаһандық индекс
Экономика және бейбітшілік институты әзірлеген Жаһандық терроризм индексінде Қазақстан 100-орынға жайғасты, деп хабарлайды Kazinform агенттігінің меншікті тілшісі. Институттың зерттеуіне сәйкес, Орталық Азиядағы үш мемлекет, атап айтқанда Қазақстан (0 балл), Қырғызстан (0 балл) және Түрікменстан (0 балл) терроризм қауіпі өте төмен елдердің қатарында. Бұл ретте көршілес Өзбекстан — 90 (0,233 балл), ал Тәжікстан 70-орынға (0,999 балл) тұрақтады. Индексті қалыптастыру тәртібіне сай, неғұрлым елдер кейінгі орындарға жайғасса, соғұрлым ол мемлекеттегі терроризм қауіпі төмен деп бағаланады. Зерттеу деректеріне сәйкес, Ресей (16-орын) терроризм қауіпі жоғары елдер қатарында. Беларусь пен Әзербайжан 90-шы орында болса, Армения 79-орынға тұрақтаған.
Барлық құқықтар қорғалған. Kazislam.kz порталына сілтеме беру міндетті: Қазақстан терроризм қаупі ең төмен елдердің қатарында — Жаһандық индекс | Қазақстандағы Ислам