Өзбекстан халқы 36 миллион адамнан асты
9 желтоқсандағы мәлімет бойынша Өзбекстанның тұрақты тұрғындарының саны 36 миллион адамнан асты. 2022 жылдың басында саны 35,271 миллион деп бағаланған еді. Өзбекстанның тұрақты тұрғындарының саны, 9 желтоқсандағы алдын ала ақпарат бойынша 36 миллион адамнан асты. Бұл туралы елдің статистика жөніндегі мемлекеттік комитеті мәлімдеді. Ерлер саны 18,1 миллион, ал әйелдер 17,9 миллион болды. Жылдың алғашқы үш тоқсанының қорытындысы бойынша (1 қазандағы жағдай бойынша) тұрақты халық саны 35,821 млн адам болып, (ерлер – 18,024, әйелдер – 17,796 млн) жыл басынан бері 549,7 мың адамға немесе 1,6% өсті. 2022 жылдың басында тұрақты халық саны 35,271 миллионнан астам адам болды (оның ішінде ерлер – 17,744 миллион, әйелдер – 17,527 миллион). 2021 жылы Өзбекстанның тұрақты халқы 712,4 мың адамға немесе 2,1% өсті. Тұрақты халық – белгілі бір елді мекенде немесе аумақта санақ жүргізу кезінде тұрақты тұратын, оның ішінде уақытша болмаған халық.
Халық саны бойынша Өзбекстан әлемде 41-орында.
Барлық құқықтар қорғалған. Kazislam.kz порталына сілтеме беру міндетті: Өзбекстан халқы 36 миллион адамнан асты | Қазақстандағы Ислам
Автор публикации
