Әлеуметтік желіде деструктивті діни ағым идеологиясымен жастардың санасын улап жүрген тұлғалар жазаланды

Ағымдағы жылдың 1 тоқсанда интернет кеңістігіндегі әлеуметтік желілерге мониторинг жүргізу барысында, Атырау облысы Дін істері басқармасының «Ақпараттық-талдау орталығы» КММ-нің мамандары «Instagram» және «Вконтакте» әлеуметтік желісінде діни мазмұндағы ақпараттық материалдарды жәнедеструктивтік діни ағымның материалдарын тарату фактілерін анықтады.

Аталған фактілер бойынша ҚР ӘҚБтК-нің 490-бабының 1.3 тармағына сай, Атырау облысының 6 тұрғыны жәнеосы кодекстің 453-бабының 2-тармағына сай, Атырау облысының 18 тұрғынына қатысты әкімшілік құқық бұзушылық туралы хаттамалар толтырылды.

Мамандандырылған әкімшілік соттың шешіміменжоғарыда аталған 24 тұлғаның барлығы кінәлі деп танылды, олардың 6-ы (А.Дюсенов, Г.Айтуганова, М.Досанов, Ш.Джахпаров, А.Канатов, Б.Енсепов)ҚР ӘҚБтК-нің 490-бабының 1.3-тармағы бойынша 50 АЕК-ке (145 850),ал қалған 18-і (А.Атауова, А.Идрисов, С.Елемесова, С.Мендыгазиев, М.Шаеденов, К.Кутмамбетов, Т.Абдешов, С.Панабердиев, С.Қырықбай, А.Сарсенова, С.Джаксимбаев, Ж.Мукаев, С.Шуриев, Г.Елубаева, М.Исанов, А.Утепкалиев, Т.Жардемов, Д.Абилхасанов) ҚР ӘҚБтК-нің 453-бабының 2-бөлігі бойынша 20 АЕК (58 340) мөлшерінде айыппұл салынды.

Қазіргі уақытта ҚР Ақпарат және қоғамдық даму министрлігімен аталған тұлғалардың әлеуметтік желідегі парақшалары бұғатталды.