Рухани келісім күні атап өтілді
Рухани келісім күні руханилықтың, адамгершіліктің, толеранттылықтың және түсінушіліктің символы болып табылады. Осы мерекеге орай, Атырау облысы Дін істері басқармасы Ақпараттық-талдау орталығының қызметкерлері арасында интеллектуалды сайыс өткізілді. Ұжым қызметкерлері өнерін көрсетіп, білімін сынады. Биылғы жылы Абай Құнанбайұлының 175 жылдық мерейтойына орай тапсырмалар беріліп, ақынның өлеңдері оқылды. Осы екі атаулы күнді тоғыстырған шара жоғары деңгейде атап өтілді.
АТО қызметкерлерінен құралған «Біз біргеміз», «Бірлік» және «Қара жорға» топтары ерекше дайындықпен келген. Тартысты додада топ жарған «Бірлік» тобы жеңіске жетіп, «Хан ордасы – Сарайшық» мемориалды кешеніне саяхат жолдамасын ұтып алды. Аталмыш іс-шара мекеме қызметкерлері арасында еңбек өнімділігін арттыру, белсенділігін көтеру мақсатында ұйымдастырылды.
Автор публикации
