Террористік ұйым деп танылған Күрдістан жұмысшы партиясы тарады
Күрдтердің Rudaw телеарнасының хабарлауынша, КЖП өзінің ұйымдық құрылымын таратады, әскери күресті де тоқтатып, өзінің бұрынғы атауымен қызметін тоқтатады. – Күрдістан жұмысшы партиясы халқымызға қарсы мойындамау, жою саясатын құртып, күрд мәселесін демократиялық жолмен шешуге болатын жағдайға алып келді, яғни өзінің тарихи миссиясын орындады, – делінген партияның мәлімдемесінде. Ақпан айының соңында партияның қамауда отырған лидері Абдулла Оджалан өзінің жақтастарын түрік мемлекетіне қарсы қарулы күресті тоқтатып, қаруды тастауға шақырды. Осыдан кейін партия Түркиямен қақтығыста атысты тоқтатып, кейінгі стратегияны талқылауға көшті. Күрдістанның жұмысшы партиясы 1978 жылы құрылып, Түркия аумағында тәуелсіз күрд мемлекетін құру жолында 40 жылдан астам уақыт қарулы күрес жүргізді, мыңдаған адам құрбан болды.
Барлық құқықтар қорғалған. Kazislam.kz порталына сілтеме беру міндетті: Террористік ұйым деп танылған Күрдістан жұмысшы партиясы тарады | Қазақстандағы Ислам
Автор публикации
