Бір жарым ғасырлық Құран кітабы
Әбділда Тәжібаев атындағы Қызылорда облыстық әмбебап ғылыми кітапханасының қорында 1 мыңнан астам сирек кездесетін кітап және қолжазба бар. Соның ішіндегі ең көне әрі ең құнды жәдігер — 1293 һижра жылы араб тілінде жазылған Құран-Кәрім кітабы. Бұл — қазіргі жыл санауымыз бойынша 1876 жыл. Кітап Мысыр қаласындағы «Фарухи» баспасында елді Осман сұлтан басқарған тұста басылған. — Кітаптың сырты терімен қапталып, аяттары шөп бояумен боялған. Құран-Кәрім — ислам дінінің негізгі кітабы екені белгілі. Мұсылмандар оның Мұхаммед пайғамбарға иқатты баян ету үшін түсірілгеніне, адамзатқа одан үзілместен жеткен Алланың сөзі екеніне сеніп, иман келтіреді. Оны оқу арқылы Аллаға құлшылық қылады. Құран — Тәурат пен Інжілден кейінгі араб тіліндегі кітаптардың ішіндегі шешендік тұрғысынан ең бай кітап. Құран 114 сүреден, 6 236 аяттан тұрады, — дейді кітапхананың негізгі қорларды сақтау бөлімінің меңгерушісі Гүлдерайым Қосназарова.
Барлық құқықтар қорғалған. Kazislam.kz порталына сілтеме беру міндетті: Бір жарым ғасырлық Құран кітабы | Қазақстандағы Ислам
Автор публикации
